கனவு

வெண் மணற் பரப்பில் கால் புதைய
கனவுகள் சுமந்து நடக்கையில்
காலில் இடறிய கல்லின் காயத்தில்
கண்ணீர் கனதியானது

காலங்கள் காத்திருக்கலாம்
என் காயம் ஆற்ற - ஆனாலும்
இழந்த நேரத்தின் இன்பங்கள்
கணக்கில் வாராது கனவுகளாய்
நீரில் போட்ட கோலம்
நினைவில் அழிந்து போவதுபோல்
காலத்தின் கணக்குகளும் - ஒருநாள்
காலாவதி ஆகலாம்

எண்ணற்ற எண்ணங்களின் குவியல்
எப்போதும் என்நெஞ்சிருக்க
போராடும் தெம்பின்றி
போருக்கும் எதிரே யாருமின்றி
பொங்கிடும் மனதின் பொழுதுகள்
போக்கிடமின்றி போட்டிபோட
ஏற்புடையது அல்லவெனினும்
ஏற்றுக்கொள்ளத்தான் வேண்டும்
எப்போதும் என்னுடனே இருக்கும்
சிதைந்துபோன கனவுகளின்
சேமிப்பின் நினைவுகள்