காலங்கள்

காலங்கள் கடந்தன தான் எனினும்
கடந்து வந்த பாதைகளின்
கால்த்தடங்களின் வடுக்கள்
இன்னும் மனதில் அடையாளமாய்

எத்தனையோ எண்ணங்கள் சுமந்து
எதிர்க்க முடியாத எதிர்பார்ப்புக்களுடன்
இறுமாப்புக்களும் கடந்து
கடத்த முடியாத நாட்களுடன்

கனவுகளின் கட்டவிழ்ப்புக்களும்
கரை காணா மொட்டவிழ்தல்களுமாய்
முகைவெடித்து மணம் பரப்பி
முற்றிலும் முடிவற்றதாய் வாழ்வு

வானம் அளாவி வால்நட்சத்திரங்களாய்
எதிர்காலத்தின் எண்ணிக்கையோடு
ஏகாந்தத்தின் எல்லைகளற்று
எப்போதும் எதிர்வு கூறல்களோடாய்

எப்படியோ கடந்து வந்த காலத்தின்
கருப்பும் வெள்ளையுமான பக்கங்கள்
கண்ணில் அப்பப்போ தெரிகின்றது
காட்சிப் பிழைகளின்றி கனவுகளில்

எதிர்க்க முடியா ஏக்கங்கள்
இன்னும் இருக்கின்றன என்னுடனே
எப்போதாகிலும் நனவாகும் நம்பிக்கையுடன்
பாடையின் படுக்கைவரை பசுமையாக